استغلال من اول دقيقة

اهلا بيكي يا دعاء معانا في المنتدي

وطبعا نورتي كلية تجارة كلها وان شاء الله تتفوقي فيها

احب الاول اعرفك بنفسي انا اسمي بسنت والسنه دي ان شاء الله هنبقي رايحين تانية تجارة في المجموعة المتميزة

اكلمك شوية بقي عن المجموعة المتميزة

اولا المجموعة المتميزة بتاخد الناس اللي جايبين مجاميع عاليه في الثانوية العامة

وانتي ممكن تدخليها طبعا لان مجموعك حلو بس بشرط انك تروحي شئون الطلبة وتقدمي طلب وهما هيقولولك تكتبي ايه فيه بس اهم حاجة تروحي تقدمي فيها بدري(دي اول مرحلة )

واكيد طبعا هيقبلوكي في المتميزة

الجروب ده بقي ليه مميزات حلوة

ان انتي هتبقي في مجموعة صغيرة بتتكون من حوالي 100 طالب وطالبة غير نظام المدرجات والزحمة وكده

كمان في نظام امتحانات ميد تيرم يعني كل نصف تيرم بيمتحنوكوا امتحانات في كل المواد وكل مادة بيبقي عليها 6 درجات من الامتحان النهائي

في شروط علشان تعرفي تستمري كل سنة في المتميزة هوا انك تجيبي كل سنة تقدير جيد جدا ومش اقل من كده والا تطلعي منها لا قدر الله يعني

طبعا الكتب بتبقي مجانا في المجموعة المتميزة

وفي كورسات برضو بتبقي مجانا

وكمان في درجات اعمال سنة عادة بيبقوا درجتين بس

هوا ده اللي ممكن اقولهولك عن المجموعة المتميزة وعلي فكرة الموضوع مش صعب جربي تدخليها

وربنا يوفقك ان شاء الله واي استفسار تاني انا في الخدمة

ربنا يخليكي يا قمر

والله انتي اللي زي العسل

وطبعا اي سؤال هرد عليكي فيه

ولو عايزة اي حاجة قولي بس

روحي بقي قدمي فيها وربنا معاكي